《家和萬事驚》吳鎮宇、袁詠儀互窒放笑彈

吳鎮宇、袁詠儀、張達明等主演的喜劇《家和萬事驚》昨日在廣州舉辦首映發佈會,主角之一的古天樂因缺席關係,大會便準備了古仔的人形紙板和大家一起合照。

當眾人上台分享煩惱事,鎮宇和靚靚便互窒大放笑彈,靚靚指鎮宇最大煩惱是「太靚仔」,鎮宇笑指靚靚最煩是屋企太大,由睡房去浴室都要坐的士,靚靚搞笑回應:「我家中是用高爾夫球車,不是的士。」玩遊戲時,鎮宇不忘整蠱靚靚,在對方寫給老公的家書中填上「祝你豬一樣」,而他在自己的家書中寫了「在過去一年裡,費曼花了自己很多錢,新的一年裡,希望兒子能一夜暴富,早日找到工作」,引發現場爆笑。靚靚就希望老公張智霖可以暴瘦十斤,財色兼收,兩人不停製造笑料,合照時互相擺出可愛甫士鬥搶鏡。

受訪時,鎮宇和靚靚表示已經好耐無合作,不過鎮宇和張智霖便經常合作,靚靚謂:「我都經常去探班。」靚靚又透露片中演師奶角色,所以身材需略胖,但她沒有刻意增肥,只是沒減肥便可以。說到農曆新年將至,靚靚透露會出外度歲,但目的地則要保密,至於鎮宇大有機會新年要工作中度過,因有部電影可能跨年拍攝,靚靚笑問鎮宇新年開工有否雙工,鎮宇裝作正經說:「我支持香港電影,一定要三工,因香港很重視節日,內地就月薪計,所以節日開工也是一樣,不會有雙工或三工。」