離婚入TVB由配角做起 陳煒劍指視后

採:植毅儀/攝:劉國權/化妝:Alice chan/髮型:Jun choy@HH hair‧nail

服裝提供:Vivienne Westwood/場地提供:HH hair‧nail

TVB《萬千星輝頒獎典禮》將於本月16日頒獎,雖然早前台慶夜黃智雯成星馬雙料視后,但於《宮心計2深宮計》演活霸氣「太平公主」的陳煒,卻被網友捧為「民間視后」。從影逾20年,陳煒因離婚而入TVB從配角做起,今年成為大熱視后人選,陳煒直言恨攞獎,希望大家能投她一票。

■陳煒於《宮心計2深宮計》中演太平公主一角大受好評,她也坦言恨攞視后獎。
■陳煒於《宮心計2深宮計》中演太平公主一角大受好評,她也坦言恨攞視后獎。

今年,煒哥憑劇集《宮心計2深宮計》提名最佳女主角,特別是《深》劇中的太平公主角色,煒哥直言這是她入行22年來演得最辛苦的角色,因為要演一個真實的古代歷史人物,煒哥為揣摩角色花上了很多功夫,所以煒哥都好恨有回報。要飾演真實古代歷史人物,相信對任何一個演員而言,都一定難以駕馭,原因主要有二─有真實歷史模型作對比;角色背景和思想,與現實世界相差太遠。

「今次為揣摩太平公主呢個角色,花了很多功夫。除了上網查太平公主的事跡外,看了很多中央台的教授論壇,聽了好多唔同人的講解,去了解這個人。始終自己本身的歷史知識都需要惡補,睇咗一些內地拍過有關太平公主的劇集,亦都睇咗好多唔同人的演出,加埋自己的想像,覺得自己都好有把握,但收到劇本之後都係打沉咗。因為對白好難讀,我有就此請教米雪姐。佢當時的答案是『拍古裝,沒特別方法,就是死背台詞,不是背7至8次,是背70、80次』,熟了對白再去掌握說古文的節奏。其次就是梳、化、服耗時甚久,每日花費約3小時化妝和整理髮型。我成日都形容,自己個頭係頂住三個飯盒。同埋我有個習慣,上妝之後唔會瞌眼瞓,從入行開始到而家幾攰都係咁,因為我覺得瞌完之後再埋位,個人會好唔清醒,個人會離開咗。為了爭取到三個鐘頭去瞓覺,呢套戲入面,我起碼試過十幾次個頭係連咗三日戲,即係無洗頭無拆頭。算係入行以來最辛苦,無論係體力上,做功課,拍完之後白頭髮多咗。」

隨時接受第二春

早前於台慶夜,黃智雯成為星馬雙料視后。問到煒哥可有信心擊敗黃智雯,她自言今年比較有信心獲獎。2012年,因為同台灣富商顏志行離婚而入TVB由配角做起,用了6年時間再攀上女一位置,現在事業穩步上揚。45歲的陳煒現在依然感情落空,已嘗試多走出去多同人接觸,個心Open,隨時接受第二春。

「評分要畀返觀眾來評,但自己今次已經做出超乎自己過往作品的水準,交到功課。今次我一定想太平公主贏,你要明白,每個演員每年遇到的角色都不一樣,呢套劇的付出,可遇不可求,下年係咪有機會再遇到咁好的角色,真係好難遇,所以都好想贏。我好感激小青姐(梅小青)畀呢個機會我。我同小青姐之前唔認識,一來已經是試造型才見面。後來傾開原來佢原先有2個人選,一個是我,一個是非公司演員,最終選了我來演。記得2012年我因為離婚而入TVB拍劇,當時大家都話我『降呢』做大配角。實情是好耐沒工作,自己信心都唔足,所以由配角做起,慢慢建立返信心。去到2016年,拍了自己首個飲食節目《煒哥的味道》,好多謝Sandy(余詠珊)搵我拍呢個節目,令到我好入屋,多了很多師奶Fans。其實與前夫離婚,只是性格不合。我個心隨時Open,你必須有咁樣的心,人才有動力。自己一直持開放態度,但一直忙工作,無機會及時間去結識新朋友。緣分這東西,要來就會來,要自己搏命去搵的未必是最好。」