陳啟泰羅家英加盟新網劇 群星雲集挑戰《反黑》

香港文匯報訊 由兩大男神張智霖(Chilam)、王陽明擔正,薛凱琪和梁靖琪等領銜主演,金牌監製梁家樹及其黃金班底打造,穿梭香港、布達佩斯、馬來西亞三地拍攝,耗資超過1.8億元的現代懸疑警匪網劇《蝕日風暴》,將在9月22日晚上在香港「黃Viu煲劇平台」首播。

■陳啟泰飾演國際刑警。
■陳啟泰飾演國際刑警。

《蝕日風暴》雲集一眾好戲之人,當中包括秦沛、劉兆銘、羅家英、許紹雄、盧惠光、林嘉華、麥長青、陳啟泰、艾威、張松枝等,群星陣容似乎更勝早前的熱播網劇《反黑》。

陳啟泰最想演變態佬

久未拍劇、在《蝕日風暴》中飾演國際刑警郭Sir的陳啟泰透露,一度與《蝕日風暴》失之交臂,「入行廿幾年,以往多數做主持、或者飾演專業人士,就連扮殭屍都要着住西裝,所以劇組初時邀請我扮警察,我係推咗嘅,因為我想做啲好玩啲嘅角色,最好係變態佬或者殺人犯!後來佢哋提議我演出另一角色,啱晒喇,正正係我想做嘅嘢。」至於與Chilam的多場對手戲,陳啟泰笑言似足敘舊:「同Chilam識咗好多年,大家有共同朋友,細個成日一齊出去玩,不過合作都真係第一次,所以都好珍惜呢個機會。」

艾威則再度飾演監獄中黑幫大佬,他坦言角色有別一般囚犯,在演繹上較具層次,「上次參演Tommy(梁家樹)嘅劇集都係飾演黑社會大佬,不過今次喺創作上有啲分別,我將佢設計成比較斯文、有啲文化背景,所以我要求喺監獄裡面要有本書跟身,係一個不斷求進、識得自我增值嘅角色。」

據知,一眾戲精擔當的角色尤其重要,如許紹雄是張智霖的人生導師、盧惠光是張智霖和王陽明決裂的導火線、向來飾演慈祥爺爺角色的劉兆銘(Ming Sir),是次挑戰大反派角色等,同樣令人期待!