网民热话:方东昇《世界零距离 II》 踩过界向洪永城挑机

    【on.cc东网专讯】 无綫不但好戏连环,连製作小鱼儿心水论坛节目都诚意可嘉。近日再推出节目《世界零距离 II》,当然唔少得喺2014年第一辑《世界零距离》已经担正大旗嘅无綫主播方东昇啦!讲开又讲,其实方东昇上年喺《世》中感觉已经好新鲜,绝对唔比一众旅游节目主持输蚀。而今年,佢又再返嚟喇!
 
    方东昇报新闻时一向畀人感觉端庄正经,但原来搞起Gag上嚟都几搞笑,佢凭《世II》仲成为网民至Like嘅主持之一!网民同时联想起2012年同样大受好评,并由洪永城主持嘅节目《走过烽火大地》。《走》卖点系深入战火瀰漫嘅中东地区,洪永城就以轻鬆生动手法主持节目,当时都有唔少网民大讚佢嘅主持风格吸引!搞到网民都要比较方东昇同洪永城,究竟边个劲啲呢?
 

方东昇因为主持旅游节目嘅风格爆红,喂!真系同洪永城(右下)有得斗喎!


方东昇会唔会成为新一代男神?
 
方东昇金句一箩箩
 
    一向报新闻时都金句连连嘅方东昇,以前就爆出过唔少精警句子如:「夏天要排队,最紧要带水。」、「为食猪,曳曳猪,懒瞓猪,猪界代表还有牠,傻猪」而喺《世II》中,方东昇一如以往,爆金句爆上瘾,例如:「You Jump, I Jump,一往情深!」、「成个老衬,士气大振!」同子华神有得挥o添呀!除左搞笑,佢仲锺意无意间渗啲发人深省嘅道理,好似「工欲善其事,不要发脾气」咁!网民仲发现佢锺意引用广东歌歌词如「明明绿灯转眼变成红灯」(郑融《红绿灯》)、「来回地狱又折返人间」(容祖儿《心淡》),认真支持本地乐坛!
 
洪永城够亲切
 
    至于洪永城由主持一职做埋演员,近日仲为剧集《张保仔》担正男主角。当时佢为无綫主持嘅首部节目《走》可谓成名作。节目由黎巴嫩拍到去敍利亚,深入战地。洪永城嗰阵都有金句架,就系「好危险!」自此,呢三隻字仲成为佢其中一个Icon。加上单眼皮细眼嘅佢,畀人一种亲切感觉,获女网民封为另类「男神」!之后洪永城仲主持过唔少旅游节目如《走过浮华大地》、《在那遥远的地方》等。洪永城就主持开旅游节目呀,不过方东昇就由「报道新闻」跳入「主持旅游节目」,仲得到网民爱戴,其实佢的可以唔使Battle,拿拿声食住个势合体一齐主持啦!
 
    网民有话儿:
    gXXXyij:好好睇,晚晚追,方东昇好搞笑!
    raiXXXnsc:之前见佢做新闻主播好似都几木独、古缩(肃),但佢参予(与)《世界零距离》演出,原来咁funny同cute,真系有D(啲)surprise!
    TOTOXXX:东昇又斯文又搞笑!
    JFFFXXX:洪永城嗰时都好好睇架
    ofxxx:洪永城做主持好过做戏!